COSTA FÚTBOL: EN ORSAY: A Entrevista da semana con ESTRELLA

"NUNCA VOU SER PRESIDENTE DO FISTERRA"

Un Tipo sen Fronteiras

Jesús María Canosa Trillo, "Estrella" para todo aquel que o trate e coñeza, amence ó mundo un 17 de xaneiro de 1988 en Fisterra, unha vila que sen dúbida marca o carácter de todos os seus habitantes, mergullados dende ben novos nas lendas da fin do mundo e abertos a canto visitante se achegue. Este talante hospitalario e afectuoso está gravado a fogo en Estrella, bandeira e distintivo recoñecible da súa personalidade, quizais a clave de que sexa unha das persoas máis queridas e admiradas polo pobo fisterrán. Activo en case todo canto se organice a nivel social e deportivo, membro fundador dos xa míticos Rapacollón´s Big Band e esta tempada, dando o salto ao banco de adestradores coma segundo de Ángel López, e coa ambición de chegar a ser algún día o primeiro. Non o descarten....todos sabemos que hai quen nace con auténtica "Estrella".

No seu debut en Primeira como segundo de abordo

- Sendo un dos seareiros máis representativos do Fisterra, como se leva o de mudar a bancada polo banco?.
Lévoo moi ben, posto que estou a facer o que máis me ilusiona dende neno. Hoxe estou de segundo adestrador pero sei que algún dia serei o primeiro.

- Como estás a vivir esa experiencia...é positiva ou xa tiveste tempo de arrepentirte?

Moi positiva. A verdade é que aínda é pronto para dicir algo negativo, pero si o grupo sigue como ata agora sera un gustazo adestrar este equipo.

UN SIAREIRO MAIS

- O partido debe verse moi distinto como afeccionado que como adestrador.

Moi distinto....a responsabilidade é diferente. E

as criticas como adestrador son maiores (risas).

- Sintes morriña cada vez que escoitas a batukada e as cancións das que antes participabas activamente?.
A verdade é que si. Tocar nesa bancada é moi especial para min.

Imaxen da Final da Copa da Costa (Fisterra 1 - Dumbria 0)

- Un momento especial e inesquecible que viviras nun campo de fútbol.

O 25 de xuño de 2017. Centenariazo!. DÍa que lembrarei toda a miña vida. Escribo isto e aínda me emociono...

Noutra das suas novas experiencias (A BATUCADA)

Coma é o trato cos xogadores dende o teu novo posto?.

O trato é exemplar. Son unha persoa doada de levar e será difícil ter algún problema comigo. Aínda que no campo de fútbol transfórmome!.

Onde se viven máis nervios...arriba ou a pé de campo?.

A pé de campo. Estás toda a semana preparando algo que queres que funcione e os nervios son diferentes.

- Estás preparado para as críticas, en caso de habelas?. Fisterra é unha vila esixente co seu equipo.

Moi preparado. Sempre hai xente que quere que fracases. Son os típicos que si fas algo grande na tempada será polo equipazo que tes, pero si salen mal as cousas o problema é dos adestradores.

Cos Rapacollon´s Big Band

- Despois do salto ao banquillo, veste como presidente do Fisterra algún día?.

NUNCA!. Non estou preparado para iso nin tampouco quero. Si antes eras querido por 1000 persoas do pobo, cando es presidente quérenche 200.

- Valóranos este arranque de competición do Fisterra....era o agardado?.

Era o agardado. O equipo estase a facer e sei que imos ir de menos a máis.

- Que metas se plantexa o equipo?.
Pelexar por estar o máis arriba posible, pero sin obsesionarse xa que é o primeiro ano deste bonito proxecto.

-Se o Fisterra consigue Liga, Copa ou ambas esta tempada...a quen adicarías o título?.

Eu o título sempre llo adicarei á afección xa que sin eles o Fisterra sería o 50% do que é.

Fisterra da 2017-2018 con ESTRELLA na Grada animando a o son do Tambor

-Soña en alto e pide un desexo que quixeras ver cumprido para ti e o teu equipo.

Facer equipo sempre foi un soño que quixen para a SD. No momento que sexamos equipo en tódolos aspectos da vida, teremos moitos éxitos!.