BANCADA PREVIA

ESTEIRANA - CAMPEÓN DE LIGA DE LA COSTA 2017/2018

INIMIGO ÁS PORTAS

Difíciles encontros para todos aqueles que andan á procura de manterse ou de aspirar ata o derradeiro alento por unha praza que permita alomenos desputar a posibilidade dun ascenso. Algo que xa traen feito Porteño e Ameixenda, que se baterán no primeiro "round" este domingo. Intensísima será a tarde en Baio, máis enchufados ca nunca para recibir a todo un Soneira no que de seguro será un emocionante e espectacular derbi. Dumbría e Fisterra convivirán coa presión de que fallar está case prohibido. E na Liga da Costa hai campión, unha brilante Esteirana...pero a parte baixa bota fume. Todo por decidir e moito por desfrutar!.

Imagen del Dumbria - Betanzos de hace unas semanas (PESCO con un rival)

PREFERENTE NORTE

Pésima xornada a pasada, con pleno de derrotas nos nosos tres participantes. Un DUMBRÍA con imperiosa necesidade de puntuar terá boa ocasión coa visita do VIVEIRO, non moi alonxado dos seus postos. Non así o SOFÁN, que terá que vérseas, tamén na casa, co PAIOSACO, que segue segundo. O XALLAS recibirá a un RESIDENCIA moito peor clasificado, co que os xalleiros agardarán retomar a senda da vitoria.

Imagen del Fisterra - Baio (Roco saltando con Peke)

PRIMEIRA GALEGA

Un BAIO pletórico, que só suma vitorias dende fai varias semanas, terá no Platas Reinoso e diante de todo un SONEIRA a proba definitiva que os saque de dúbidas e de botar contas, pois a salvación estaría perfectamente a tiro. Non poden dicir o mesmo en FISTERRA, aos que as dúas derrotas consecutivas deixan nun lugar cando menos comprometido. Visitarán ao AGOLADA, en disputa pola Liga pero ante o que haberá que dar a batalla como sexa. Nun partido tamén decisivo para os fisterráns, enfrontaránse o SAN LORENZO e o TORDOIA. A partires de agora, tarde de transistores en todas as categorías.

Jugadores de la ESTEIRANA celebrando el Titulo de CAMPEONES DE LIGA

LIGA DA COSTA

Horarios unificados para as dúas xornadas que quedan na Liga máis emocionante deste ano. A ESTEIRANA soubo dar o "do" de peito nos momentos importantes e aí está como flamante campión, título que estreará en MUXÍA. Na parte baixa, un dramático CORISTANCO - CAMARIÑAS pode selo todo ou nada para calquera dos dous. Quen aínda está a un paso de conseguer algo é o MAZARICOS, que visitará PONTECESO co único obxectivo de manter a actual segunda praza que permite pelexar pola outra praza de ascenso. Coa mesma esperanza e aínda posibilidades tamén se atopa o CORME, que despois do duro mazazo da semana pasada recibirá a un BAÍÑAS onde a ilusión si que xa non xoga. Apaixoante derbi entre CERQUEDA e BUÑO nun partido deses no que calquera resultado é posible. O CEE apunta alto despois de sendas vitorias, tanto no terreo de xogo coma nos despachos, e agarda polo LIRA con toda a intención de non desfalecer e poder manterse. MONTE LOURO e MALPICA xóganse o posto, pois ambos están empatados a puntos e o que gañe, sube. Un OUTES que ó único ao que renuncia é a tirar a toalla, será visitado por un goleador ZAS nun partido vital para esas aspiracións ás que ninguén quere renunciar.

Imagen del Cee - Sporting Zas de hace unas semanas

FASE DE ASCENSO NA TERCEIRA

Imagen del encuentro de vuelta de la fase de Ascenso entre Ameixenda y Camelle

PORTEÑO e AMEIXENDA faránnos vivir a emoción do ascenso na primeira tanda e dende A GRIXA. Ninguén quererá fallar, todo por decidir e moito en xogo. Que máis ingredientes pode ter unha fantástica tarde de fútbol?.

COPA DA COSTA

CASTRELO - SEAIA e CORCUBIÓN - LAXE dirimirán esta previa da Copa xa cos partidos de volta.


FÚTBOL FEMININO

JULIA (Portera de las Miudas que se lesionaba la semana pasada)

Caen as nosas bravas e non por merecemento, pero ás veces son outros factores os que determinan os resultados. AS MIÚDAS sufriron, ademais da derrota, a lesión da súa porteira Julia, e as mozas do BERGANTIÑOS non puntuaron pese a ter remontado e a boas ocasións de pechar o partido. Finalmente non puido ser. E tampouco será doado esta semana...coas bergantiñanas recibindo a un temible Imperátor, mentres que as muradanas quizais atopen respiro no colista Atl. Estrada.

Dulce (Artista de esta fantástica previa)